只要你有些少好奇心(同缺乏大量自知之明)，你一定有試過學MJ將個身打斜成45度角；而如果你試過，你就知道呢個動作根本違反人體力學——來自印度Chandigarh醫學教育及研究院嘅Dr. Yagnick及Dr. Tripathi都係咁諗。

根據佢兩個嘅說法，一個正常人彎腰時之所以可以彎多過90度都唔會失平衡，係因為有位於脊骨嘅多組豎脊肌「有如吊帶一樣」支撐住上身體重。但喺MJ嘅舞步中整個人都係筆直向前傾，受力點會落於腳腕同阿基里斯腱，而單從大小你就知呢兩個部位唔可能承受咁嘅重量。