今屆俄羅斯世界盃黎到今日，唔知你會覺得最精彩嘅係邊一個時刻呢？不過相信法國前鋒基利安麥巴比喺面對阿根廷嘅個人爆速博到12碼嘅片段，絕對係其中一個最令人印象深刻嘅時刻！

如果你有睇麥巴比呢球逢人過人嘅爆速，你應該都可以感受到佢個速無與倫比嘅超級速度，但係實際上佢其實又快到咩地步呢？

根據統計，麥巴比喺面對阿根廷嘅全場比賽平時個人時速為36km/h，而博取12碼前嘅個段爆速最高時速則達到44.7km/h！即係有幾快？我地係需要用到曾經係「世界上最快嘅男人」保特黎作對比。保特喺2009年打破100m世界紀級嘅時候，佢嘅平均時速為37.58km/h，而最高速則為44.72km/h，亦即係話麥巴比嘅速度係已經達到保特嘅級別，而更恐佈嘅係當時嘅佢係控住個波！

其實除左博取12碼呢球，麥巴比喺面對阿根廷所以攻入嘅兩球，亦完全體現出佢嘅高速插入嘅能力及出色嘅把握力。

目前只有19歲嘅麥巴比，可以話係世界上最矚目嘅超新星，而佢更加擁有超越同齡球員嘅成熟心智，令佢擁有可以成為未來金球獎得主嘅一切質素！