中學時期相信喺唔少人心目中最無憂無慮、最開心嘅日子，呢段期間大家都一定會做過傻事，而唔知呢一樣你又有無做過呢？

由於中學並唔一定有乒乓球檯長開，所以大家如果想打波都唔一定有得打，但如果真係想打咁點算呢？就係用課室入面嘅學生檯做球檯，然後求其搵啲野做網，咁樣比賽就可以展開啦！

由於球檯太細嘅關係，比賽非常講求球員控制球嘅能力，因為稍為大力球就會出界。如果你仲想加入旋同削就更加困難，但係高手又點會做唔到呢？！

有時候大家未必一定有乒乓波拍喺身，咁點算好呢？唔知大家有無試過用計數機當拍打，特別係80後一定記得嘅Fx-50，呢部計算機非常適合用黎喺學生檯打乒乓球，由於佢按鈕嘅膠屬於柔軟性不錯的，所以可以較易由乒乓球加入旋轉。

當日一場喺課室進行嘅乒乓球比賽，已經有為數不少嘅同學仔喺旁邊觀戰，回想起都真係令人津津樂道！