當人們提到「韓國影視」之時，以前我哋總會諗起泣鬼神加上絕症套路之催淚愛情片，又或是由十幾年前《韓流怪嚇》帶起之韓式恐怖。

之但係，2016年嘅《屍殺列車》又為韓國影視設下新定義，雖然韓國喪屍片佢未必係第一套，但最有名氣最有標誌性我諗無人會有異議。

喺《屍殺列車》過後，上年年末亦有一套以喪屍題材拍攝之韓國電影上映，《屍殺帝國》除咗譯名似足前者外，其他故事設定就有好大分別啦，最大嘅分別莫過於《屍殺列車》故事係發生喺現化，反之《屍殺帝國》則發生喺古代嘅韓國。

至於今日要講嘅主角——《李屍朝鮮》呢套由 Netflix原創之古裝電視劇嘅故事背景同《屍殺帝國》呢部電影一樣均以古代韓國其時間點，而且更特別標註係喺朝鮮王朝。

喺朝鮮王朝正史當中雖時年期長達五百餘年，但其間亦充滿內憂外患如早期之王子之亂以及內黨紛爭，以及後期繁多外族之入侵；而《李屍朝鮮》則以 16世紀朝鮮作故事啟發，時值饑荒瘟疫流行之時；喺劇中亦將瘟疫披上神秘色彩，染上此瘟疫之人均需食人肉以維持生命，同時王朝中亦傳出國王逝世後復活，作為主角之王太子，不但被朝中眾臣指責，同時更要調查瘟疫以及其衍生之事件。

陣容方面，三位主演分別係朱智勛、裴斗娜，柳承龍。當中作為《宮》一劇中皇太子李信之角漸露頭角之朱智勛，近年亦有接拍電影《與神同行》飾演解怨脈，多年經驗同時知名度亦不低，所以《李屍朝鮮》一劇亦算喺韓流 Fans 眼中嘅期待之作。

《李屍朝鮮》 — Kingdom 將於 1 月 25 日 於 Netflix 全球上架。