講到 Netflix 原創影集方面嘅新貴，除咗會諗到呢一套無論係咪韓迷，有無留意韓劇嘅劇迷都深深上癮，Netflix 首部原創韓製古裝片 —— Kingdom 《李屍朝鮮》外，亦有因其內容相當引人入性之啜核式美劇—— Sex Education 《性愛自修室》；當中前者編者曾經有為此著文，有興趣之讀者可以參見：

【韓式屍意】Netflix 首部韓製古裝劇《李屍朝鮮》即將上架

上述兩套作品至今已推出快有兩個月，睇到最新追到最貼嘅朋友除咗可以睇吓《雨傘學院》呢套由非主流美漫改篇之另類英雄系影集外（無錯，小弟又係有寫過呢套影集），嚟緊三月頸亦有一套好介紹，就係本文主角：《暗黑秩序》The Order。

《暗黑秩序》之故事充滿著黑暗色彩，其背景則是講述一位剛升上一所名為貝爾格雷夫大學之新生，傑克·莫頓，無意間加入咗校內之神秘社團——藍玫瑰赫密士教團，在此傑克接觸並學習到一埋有關黑魔法之知識及其應用，隨後被捲入一場關乎生死之危險遊戲，同時更發現家族秘密與地下鬥爭。

其故事充滿帶黑暗之神秘色彩，相信某啲喜愛類似都市傳說或地下社會類型之劇迷定為此感興趣；而我亦不例外，因為喺等 Stranger Things 新一季嘅期間，能夠有一套同樣有神秘色彩之劇集上架以供觀看實在對此十分樂見。