早幾年，各位高達Fans 收到一個令人震驚嘅消息，就係台場嘅1:1 RX-78-2 要拆走，相信果段時間都想盡辦法去朝聖。然而最後原來係要換上近年最吸金嘅獨角獸高達，仲要除咗玩發光之外，仲可以由獨角模式轉化成毁滅模式，已經令大家目定口呆。而拆走嘅RX-78-2 原來偷偷地去咗升級可動性，由景品變可動模型。而喺高達嘅一個官方網站 GUNDAM FACTORY 好簡單咁講咗畀你你將會喺2020年嘅暑假推出哩個款目。

2020年暑假正好配合日本東京舉辦奧運，之前喺上一屆倫敦奧運接棒時，已經表明會有日本大量耳熟能詳嘅動漫角色一齊宣傳，相信高達係一份子，更加升級至可動。睇嚟某個大國害怕嘅事情就快會成真啦!

新嘅可動高達將唔會喺台場出現，獨角獸fans 可以鬆一口氣，而佢將會喺日本橫濱市「山下碼頭」登場。睇設定圖細緻位有別於之前展示嘅RG樣式，睇膊頭位較似Revive 版嘅感覺，睇下遲啲公佈更多消息，再探討一下。

上次錯過咗台場版18米高嘅1:1 RX-78-2 嘅話，今次唔好再錯過啦!雖然可動性嘅高達短期內唔會移走，但始終係碼頭唔係台場咁自已地盤，最重要係佢依家識行識走，可能去咗幫手攞彩蛋都未定呢！會去睇東奧嘅，咪順便去睇埋，始終都係一個限定景點呀！

18米高 1:1 可動RX-78-2 

展出期：2020年暑期(預定展期為一年)
地點：日本橫濱市「山下碼頭」
費用：未定