領呔係男士成熟嘅一種服飾代表。就算如侯賽因嘅賭船，入場裝扮都係需要有條呔先得。之所以咁，人氣動漫嘅《海賊王》入面嘅角色不時都會有晚裝打扮，而山治更加長期紳士打辦，喺父親節臨近嘅檔期，推出《海賊王》花紋領呔，送畀爸爸，等佢成為一個成熟嘅活力青年。

款式上有三個樣式，主要都係以寶藍色為主。而呔內則就有較為明顯嘅《海賊王》圖案。呔外則就以大方嘅斜文同白點暗花圖案，望落斯文，望真吸引。

第一款以大熱紅藍白嘅斜紋，配一個草帽海賊團嘅繡花圖案，百搭顏色，相信會係最受歡迎嘅一款。

第二款同為斜紋，但就以再比較深色嘅寶藍色為主，配合白色同淺藍色嘅糼斜紋，正面繡花嘅帆船就比較難證明係《海賊王》，所以內呔就以較明顯嘅圖案做Pattern。

第三款就顯得比較有活力，以寶藍色底配白色細圓點，再加上《海賊王》圖案暗花，內呔就有烈陽號船頭大頭，明顯就較為想展示《海賊王》嘅主題，比較其它款兩款有更明顯嘅圖案顯露感。

未成為爸爸嘅你，可以送條畀你爸爸，做咗爸爸嘅，幫啲仔女搵個簡單嘅禮物畀自己啦！記得今年父親係6月16號呀！趕唔切父親都好，平時送禮都得㗎，二千幾円，真係一點都唔貴。

《海賊王》世界級領呔

售賣地點：官方草帽店
售價：各2,362円(未連稅)
推出日期：2019年6月8號