{ SKIP }
文:MenClub 波特先生  圖:互聯網
POSTED ON 29 May 2019

近日,皇馬隊長沙治奧拉莫斯有傳與球隊產生矛盾,特別係與主席佩雷斯嘅關係面臨破裂,令拉莫斯喺皇馬嘅未來變得越來越暗淡。而皇馬方面只要有球隊出得起價錢,就可以將呢位球隊隊長帶走。

今次拉莫斯事件令唔少人聯想起當日C朗嘅離隊,去年C朗與皇馬關係非常惡劣,C朗想離隊他投,最終皇馬收到祖雲達斯嘅報價,最終將球隊核心C朗賣掉。

如今拉莫斯離隊嘅意願確切,佢想免費離隊轉戰中超,因此佢將會再次與佩雷斯會面。不過佩雷斯明顯唔想比拉莫斯免費離隊,佢地希望可以從對家收到轉會費。

2005年由西維爾加盟皇馬嘅拉莫斯,自從卡斯拿斯離隊後就接過皇馬嘅隊長臂章至今,期間為球隊贏得4次聯賽冠軍、4次歐聯冠軍、2次國王盃冠軍、4次世冠盃冠軍等等,絕對係皇馬史上嘅最佳球員之一。

不過,皇馬一向對老將功臣都較為無情,其中除左C朗被賣走外,此前仲有魯爾、卡斯拿斯等都未能夠喺皇馬終老。另外,三屆歐聯冠軍功臣門將拿華斯亦即將於今季完結後離隊,睇黎皇馬實係確確實實一間公司,從來唔會同你講感情的。

如果有呢個機會嘅話
hobby
【影視】Bryan Cranston唔介意出演《Better Call Saul 絕命律師》
11 Aug 2020
如果哆啦A夢有真人版,可能真係日本搞笑藝人渡邊直美最合適
hobby
【習慣重口味】渡邊直美真人版哆啦A夢其實已經好正常
11 Aug 2020