近年年青人都衝晒出嚟，企喺啲年長人嘅前面，BB戰士都係，兩個仔先後出場之後，作為老竇嘅「新世大將軍」，依家要衝出嚟參戰啦！自從唔同新系列嘅SD 產品推出，Legend BB 哩類高質產品退下火線，去晒P-Bandai 度出SDX 向嘅高質產品，唔知係好事定唔好事呢？點都好，爸爸出場，仔仔退去後面，前線有爸爸守住。

本體一眼望到F91嚟，全身多處有電鍍件，令到出嚟效果閃閃生輝。眼睇貼紙量應該都唔低，哩個係武者系列必然出現的嗎？不過有樣嘢係非常好，而又唔需要貼紙，就係對背翼，沿用當年多色成件嘅技術，真係一大福音嚟！

都唔明點解哩個技術唔一直用喺唔同產品度，只係用咗係RG同埋MG全可動手，其實SD 真係好需要哩個技術出件，好過全身貼滿晒幼邊貼紙。

咁呢，新世大將軍推出，兩個仔都再販賣，而且仲可以玩埋「標輝」Mode 組合返漫畫入面嘅飛驅鳥「神馬凰形態」，仔仔都同時升級呀！以前嘅BB戰士就係要咁玩，混搭一下，合體一下，雖然大舊，但有創意，唔似得依家果啲，無得變型又無得合體，一係就九唔搭八畀對角HG去插入把槍。

Avenger 都大結合啦！BB戰士都要呀！

寫明有特典，即係話你知有卡送啦！買開都知佢係跟哩樣，有儲開卡嘅又要入埋，有親子丼嘅卡呀！三仔爺同場！

BB戰士 LEGENDBB 新世大將軍【附特典】

推出日期：2019年11月
售價：4,300(未連稅)
比例系列：LegendBB
質材：PS / PE
特典內容：限定BB戰士閃卡