法國名宿比堤(Petit)近日接受訪問，佢提到自己以往球員生涯嘅成功，令佢遇過特別嘅經歷，甚示可能係唔少男人希望擁有嘅經歷。

現年48歲嘅比堤，係法國1998年奪得世界盃主力之一，而正因為咁其受歡迎程度大增，除左多左唔少廣告收入、訪問等，亦多左好多唔同女性嘅邀請。

比堤表示：「喺98世界盃前，我已經受到唔少女性嘅邀請，而奪得世界盃後情況更甚，但我唔係想投訴，因為我非常喜歡。」

「我已經唔記得有幾多女性邀請我，而當中甚至有已婚嘅女性，並且更加係與丈夫一齊黎搵我的。」

「最離奇嘅一次，當時我喺一間餐廳外等的士，突然有一對夫婦走埋黎，丈夫竟然要求我同佢老婆做不道德嘅事，我多謝佢但斷言拒絕佢呢個提議，因為我並未至於饑餓到咁嘅地步。」

作為中場，比堤生涯效力過多支有名嘅球隊，其中包括阿仙奴、巴塞隆拿及車路士，其中喺阿仙奴曾奪得過聯賽冠軍及足總盃冠軍。