相信大部份屋企嘅電視都已經進入高清世代，童年時代睇嘅動畫近年都高清重製，而《機動戰士高達》系列更係各男士們嘅最愛之一。Bandai 連同創通一齊將大量《機動戰士高達》嘅動畫推出BD，畫面亦係有高清級數，雖然未致於係重製，但以以往《Seed》嘅經驗，應該都有一定嘅畫面提升，比起小熊手頭上DVD 版播到起晒格好好多啦！

由於《馬沙之反擊》本身係電影版嘅動畫嚟，所以畫面比例一早已經係以現今電視嘅 16:9 畫面推出，唔會左右留黑邊。預先訂購者可以有一個A4 嘅膠File附送。畫像以Nu Gundam 為主。File 真係可有可無嘅禮物，吸引人相當低。

另一人氣作品《星塵回憶》亦都會推出，經典場口：駕駛住GP02 嘅賈圖：「所羅門呀！我又返嚟啦！」

近排推出咗Alex 2.0 同 RE/100 渣古FZ 嘅《口袋戰爭》亦係大家追捧嘅動畫，唯一一套主角係女性嘅高達駕駛員。人物轉向都係故事吸引之處。

實戰感強烈啲嘅非《08小隊》莫屬，因為主打都係真實型戰爭，大部份都係地上陸戰，同真實嘅打仗，國事戰爭相近，而且當中MS並非無敵亦係好另類嘅《高達》作品。

估唔到哩種補完故事嘅《IGLOO》都可以趕到哩班BD嘅車，最大分別係以全3D 嘅模式展現嘅動畫，當年睇真係好真實，但依家睇返就...

《Z》當然就做過一次高清化，就係將成套嘢全部內容縮到三集OVA咁推出，依家要重推BD 絕對唔難。

相信有另一部份嘅人，屋企已經用緊4K 電視，就算睇BD 都係化化地。所以有見及此，之前推出過BD都嗱嗱聲推出埋4K UHD 光碟，仲要送多隻FW Gundam Converge Gundam NT type B 金屬塗裝版，相比起動畫內容，哩隻FW 吸引力應該再大啲。好過其它送個A4 膠File.....

尚有好幾套動畫都推出BD，小熊只係以U.C. 系列抽幾套出嚟介紹，有興趣可以睇睇A-on Store 個page.

BD《馬沙之反擊》
價錢：3,800円（未連稅）
推出日期：2019年9月預定

BD《星塵回憶》
價錢：18,000円（未連稅）
推出日期：2020年2月預定

BD《口袋戰爭》
價錢：8,000円（未連稅）
推出日期：2020年2月預定

BD《08小隊》
價錢：1他,000円（未連稅）
推出日期：2020年2月預定

BD《IGLOO》
價錢：12,000円（未連稅）
推出日期：2020年2月預定

BD《Z 劇場版》
價錢：10,000円（未連稅）
推出日期：2019年12月預定

UHD《NT》
價錢：12,800円（未連稅）
推出日期：已發行