「寸王」摩連奴自從離開曼聯後，至今都未有球隊可以執教，因此被迫暫時去左做比賽評述員。雖然無離開足球圈，但係摩連奴仍然非常掛住做教練嘅時間，甚至因此而情緒激動。

摩連奴嘅執教生涯可以話非常輝煌，除左曼聯佢仲執教過皇馬、國米、波圖等，每一支球隊喺佢手下都一定有錦標落袋，而總計佢一共奪得25個主要冠軍錦標。

雖然履歷夠晒猛，但係56歲嘅佢仍然未搵到佢嘅下一支球隊。摩連奴表示：「我以往一直都非常享受足球，並一直無停落黎。而現在我停下來了，但卻毫無享受，我享受不到現在嘅時刻，我很想念它。」

從訪問中，可以睇得出摩佬係真係好想再次執教，雖然有朋友叫佢享受現在嘅時光，但好明顯佢真係享受唔到，佢對現況想對失望，佢嘅生命最重要就係足球。唔知黎緊，究竟會唔會其他球隊願意邀請佢執教呢？