有咩野慘得過出生入死咁多次，由白宮淪陷到倫敦，救完一次救第二次，但你身邊豬狗隊友都係要屈得你入，話你出賣國家？男主角謝拉畢拿(Gerard Butler)經歷多次的淪陷由白官去到倫敦，今次到佢自己被人淪陷老屈水洗都不清，到底佢會唔會逃避到黑白兩道全方位的追殺，最後老老土土親證無辜，揭穿真相, 反正作為男人就係鐘意睇槍林彈雨爆破連連，有娛樂性的電影大作，一睇就知《白宮淪陷3﹕天使淪陷》就係呢種系列的動作電影，可預計應該仲有第四集第五集不停地淪陷…

2013年的《白宮淪陷》到2016年續集《倫敦淪陷》之後，第三集最新繼續淪陷《天使淪陷》即將上映！香港蕭定一居然有份參與監製，到底男主角謝拉畢拿（Gerard Butler）呢位演員的招牌作係《戰狼300》定一話係《白宮淪陷》系列，今次《白宮淪陷》拍到第三集，佢自己天使淪陷被人「造」一穫，到底新作能唔能夠繼續甚至超越過去兩次的淪陷大作？過去兩集，全球票房分別錄得1.7億及2億美元（約13.2億及15.6億港元）你話是否好好票房，又唔算係，但公司夠賺到錢就得啦，不過三集的電影奇奇怪怪破哂紀錄的是由三間唔同的電影發行商出品，而導演都係套套都換，今次由羅曼禾夫（Ric Roman Waugh）接棒，風格同之前唔同就一定啦，可幸的係Ric Roman Waugh講求真實，唔鐘意用CG電腦特技，主要班埋身肉博同真實爆破場面，所以呢一集可望更加緊張刺激。

《白宮淪陷3︰天使淪陷》講述美國總統遭到恐襲後重傷昏迷，隨行特工全部命喪於無人機的瘋狂轟炸下，唯獨貼身保護總統的米克班寧大難不死，加上他的離岸銀行戶口無端收到俄羅斯政府一筆巨額存款，令到行刺總統的矛頭，全部指向這位「守護天使」，令他百辭莫辯。為了洗脫嫌疑，緝拿真兇，防止總統再受襲擊，米克班寧甘願淪為全國通緝犯，一方面要避開珍達碧姬（Jada Pinkett Smith）扮演FBI高層的追捕，同時間亦向尼克諾特（Nick Nolte）飾演斷絕來往多年的父親兼越戰退役老兵求助，藉此帶出新片的重要訊息：反戰和親情的重要性。

係我有生之年，唔知仲可以睇到幾多套淪陷系列，反正蕭定一有份做監制，下次有無機會睇下中南海或故官大淪陷呢？