係未來世界「陳同佳」蝴蝶效應好可能畀丁蟹效應更值得學術界同埋歷史學家深入研究，曾經係HBO神劇嘅《西部世界》（Westworld） 終於鐵定第三季將會3月15號播出， 老實講我睇第二季睇到頭暈放棄，但原來第三季係一定要睇，因為佢將會推進虛擬嘅未來歷史，以偉大香港殺手「陳同佳」蝴蝶效應作為起點，由二百萬港人上街和理非抗爭進展至2037年第二次俄國內戰！而按照預告旁白，歷史面對如此多的混亂，人類多次被名為「the System」所拯救(定止暴制亂？)「一直以來，the System 從來無出過問題，但有一人計少左可能引來改變，正是你。」記住Westworld的劇情係唔易估，我無打算同大家估，但我只想問問HBO編劇們，係Westworld虛擬故事歷史當中，「陳同佳」住豪宅幾多年先至有心情過台灣自首呢？定其實佢係機械人....

《西部世界3》推出最新的概念式預告，同去年中的劇情預告唔同，今次玩世界大事歷史線連鎖效應，由香港作為起始點，無錯就係我地都熟悉到「喊」的香港逃犯修例風波。香港的政治動盪，大規模抗議開始，之後世界各地接連發生各種大事，包括2019 年 12 月 19 日，美國眾議院彈劾總統特朗普。同埋HBO式虛構未來歷史故事，2020 年印尼生態大崩潰、2024 年候任美國總統遇到暗殺、2025 年法國巴黎核熱事故、2037 年俄羅斯第二次內戰等等。當中有「the System」相信可能類似reboot解決事件，但主角正正是「the System」失去作用的關鍵，整個《西部世界》（Westworld）相信就在呢個迷團下開展，3月15日，一連8週，慢長的等待又終於有得睇啦！

如果你真對劇情想了解更多睇返上年中的劇情人物預告

如果你無睇遇HBO神劇《西部世界》（Westworld）介紹返，你要睇！尤其第一季，好精彩的故事同滿足大多數人類慾望的想像力，自從2016年播出後好評如潮，除左故事有點複雜外真係好值得觀賞。

自2016年推出首季後即大獲好評，被譽為「神劇」。《Westworld》第一季以「迷宮」（The Maze）為主題，影迷一等就二年，2018年才推出第二季主題係「門」（The Door），但第二季的聲勢明顯不及首季。又等左二年，今次2020年第三季主題「新世界」（The New World），共有八集，繼續由 Jonathan Nolan 及 Lisa Joy 編劇。第三季加入多位新演員包括《絕命毒師》（Breaking Bad）男主角Aaron Paul等。

故事迷底將於3月15日揭盅