{ SKIP }
文:MenClub 摯樂  圖:互聯網
POSTED ON 20 Mar 2020
【韓式玻璃心】韓國人逼Netflix改名唔比叫《李屍朝鮮》話係污辱歷史

如果講玻璃心,韓國人可說坐亞望冠,近日韓國人除左忙於抗疫仲原來非常不滿要去投訴Netflix大紅韓劇《李屍朝鮮》,有咩好投訴?原來韓國人認為劇集中文譯名用《李屍朝鮮》係對韓國歷史的污名因為「李氏朝鮮」呢個叫法係當代韓國日本殖民統治下的蔑稱,韓國人完全鄙視呢段歷史,見到就嬲所以一定要改名?唔明?我都唔明,可能好耐好耐之後如果有套喪屍片叫「終國香港」,大家都會群起投訴,鬧到佢變「贏國香港」為止。咁會唔會易於理解?

Netflix係18號晚回應話收到投訴聽到聲音日後會改名,即係話第三季的《李屍朝鮮》好可能會改中文名。《李屍朝鮮》原劇名為《Kingdom》(意譯是王國),係Netflix首部自製韓劇,剛上週推出第二季,好睇到喊,堅正推薦。全季6集在全球190個國家同步上線,立刻引起一陣追劇風潮。

不過南韓網民就發起投訴抗議其中文名,主要因為「李氏朝鮮」對南韓人來講,原來係日本殖民統治下的蔑稱,而譯名中又加入一個「屍」,於是牽動左韓國人的敏感神經。但唔知點解播左年幾就兩年去到第二季先來投訴要改名!

反正韓國人生氣了,咁如果真係不敬,改下名都好,反而仲可能再刺激收視,對此Netflix係3月18日晚上回應:「Netflix感謝各方對於原創韓劇《李屍朝鮮》(Kingdom)中文片名的相關意見與賜教,我們已充分了解並將會盡快做出修改,並盡速再發佈通知公告。」


第三季《Kingdom》改咩中文名好,「偉大韓國有喪屍」好未?唔好玩啦,Netflix已經準備好正確名稱啦,新名叫『屍戰朝鮮』!係咪好有戰意呢?



由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025
HBO劇集《The Last of Us(最後生還者)》編導兼Naughty Dog總裁Neil Druckmann宣布,佢將會退出第三季劇集製作,專心開發工作室旗下新作《Intergalactic: The Heretic Prophet(星際:異端先知)》。 《Interg ...
hobby
【影視】Neil Druckmann宣布退出《最後生還者》劇集創作 專注開發新遊戲《星際:異端先知》
03 Jul 2025