【全球畀掙扎】Elon Musk係美國帶頭做實事大企業全力助抗疫

抗逆路上英美等西方國家龜速開展慢人半拍，但如今踏入疫情嚴峻直路，反而加快步伐全線加速，Elon Musk等大企業巨頭開始放下本業全力助攻，Elon Musk上週剛答應要協助生產醫療呼吸機，效率驚人，已預計本週可以完成1200部分配各地，加上已運送50,000個N95口罩去西雅圖，雖屬微力但大多外國企業都清楚自己社會責任，盡力轉型救災，美國三大汽車廠（通用、福特、快意佳士拿）都正同政府協商改組生產醫療呼吸機。睇嚟美國係唔係新型肺炎的源頭仲係中國群眾說紛紜，但美國已清醒極速救災就可以肯定，唔知抗疫路上會唔會被左膠大愛扯佢後腿，即「黃蜂女上身」， 畢竟美國新型冠狀病毒（即浸浸口中中國病毒）確診病例已超過兩萬宗。

對香港經濟同股市等影響重大的美國疫情正快速惡化，原本認為大家對疫情過於恐慌的Tesla老總Elon Musk都開始轉口風並全力抗疫，利用Tesla生產汽車冷氣的經驗，加上SpaceX研究太空航天生命維持系統的實力，立刻開始研發生產醫療用呼吸裝置。而且效率強大，今日最新回覆指出本星期預計可以完成1200部，並將再加快生產。Elon Musk以至美國三大車廠同時宣種協助生產吸吸機是源於《紐約時報》一篇文章提到，醫院透露現時已經買唔到醫療呼吸機，對於美國罹患武漢肺炎的患者來講，呼吸機短缺係各地醫療機構生死攸關的嚴肅問題。於是當紐約市市長係Twitter上向特斯拉求助時，馬斯克欣然同意可以投入生產呼吸機。

除咗大型車廠，小型初創開企業例如專生產環保伏特加的Air Co.都率先將全部生產改為造洗手液，即好似歐洲LVMH咁免費供應政府部門同醫院。而電競品牌雷蛇除左生產口罩，仲連自己公司的商標都改埋，將連接的3條蛇全部分開去宣傳大家要保持社交距離。至於世界另一邊的阿聯酋電訊公司連名都改埋，改名做「Stay Home Etisalat」，目的全部都係為左眾志成城打敗呢一場發源地成日轉換的中國美國意大利武漢肺炎。人類要加油擊敗大魔王解救世人！