講起日本主題樂園，你可能數得出迪迪尼、USJ、富士急，甚至東京後樂園、名古屋Legoland，但相信絕大部份人聽都未聽過原來京都有個「東映太秦映畫村」。太秦映畫村係以日本電影為主嘅主題樂園，同時亦係東映時代劇嘅拍攝片場，當中以江戶及明治年代為主題嘅布景為主。咁樣聽落好似唔多吸引呀可？但如果佢黎緊有個15米高嘅初號機雕像，又會唔會吸引啲？

圖片：Toei Kyoto Studio Park on Facebook

其實太秦映畫村目前已經有與Hello Kitty、星光美少女、幪面超人等不同作品合作舉行活動，而黎緊10月3日就會正式開放一座只有半身，但已經高15米嘅Eva初號機雕像，8月1日更會舉行先行體驗，讓120名遊客率先參觀。咁你話個像有咩好睇？除咗夠大之外，遊客仲可以企上佢隻手到影相，另外亦係(佢話)世上首個可以讓遊客進入插入栓嘅Eva設施。目前睇官方圖片的確係頗為霸氣，唔知吸唔吸引到大家入場呢？