隨住疫情放緩，大家都更願意出街，商場亦開始舉行各種活動吸引人流。而朗豪坊就會與TAMASHII NATIONS合作，於11月中舉行TAMASHII FIGURE FES 2020展覽兼期間限定店，集合《EVA》、《鬼滅之刃》及《One Piece》三大人氣作品同場展示！

TAMASHII FIGURE FES 2020最搶眼嘅展品，一定係位於朗豪坊4樓嘅2.4米高EVA初號機，另外亦有較為Q版嘅半身像及位於店鋪屋頂嘅朗基努斯之槍。同場亦有《鬼滅之刃》及《One Piece - 和之國篇》嘅展覽，展出作品嘅Figuarts ZERO Figure等產品。

除咗睇，另一個重點環節當然係買。會場將會公開12月先開售嘅DYNACTION 40cm高可動初號機，亦會展出部份明年先有有得買嘅產品，例如《鬼滅之刃》中炭治郎嘅日輪刀、「柱」們嘅Figuarts Mini等等。當然亦會有Metal Build 初號機及貳號機發售，以及其他《EVA》、《One Piece》、《鬼滅之刃》及《高達》產品。11月18日去朗豪坊睇下啦。

資料來源：朗豪坊