圖片：Wikipedia

據《Variety》引述美國電影藝術與科學學會及負責直播嘅ABC電視台知情人士指，來年嘅奧斯卡頒獎禮會係「有人參與嘅現場直播」，並且預計會於慣常地點、能容立3,400名觀眾嘅杜比劇院中舉行。另一名知情人士就指，「學會最近於杜比劇院進行咗一次排練，睇下可以點安排。」而杜比劇院方面就拒絕回應。

奧斯卡頒獎典禮原定於每年2月舉行，但由於疫情影響電影上映，所以學會將參賽電影嘅上映期限由今年12月31日延長至明年2月28，頒獎禮亦會延期至4月25日。

圖片：Wikipedia

雖然學會希望搞一個實體Show，但實際上有幾多演員會、或願意參加都係未知之數。特別係多位有望入圍嘅演員，例如Anthony Hopkins (《The Father》、Sophia Loren(《The Life Ahead》)、Meryl Strepp (《The Prom》)等等全部都已經係名副其實嘅「七老八十」，一旦中招後果可大可小。