Tamashii最新宣佈會於明年推出Figuarts系列嘅兩款《鬼滅之刃》模型，分別有於劇場版中大放異彩嘅「大哥」 煉獄杏壽郎、以及人氣女角「蟲柱」胡蝶忍。

圖片：Tamashii

四月推出嘅「煉獄杏寿郎 炎の呼吸」全高18cm、展現出「大哥」使用炎之呼吸嘅動態，華麗嘅半透明嘅火焰特效部件再加上飄逸嘅斗篷令模型嘅動感提升；頭髮、制服、日輪刀紋等細節亦有重現。「大哥」個樣亦有燦爛笑容以及認真樣兩款可以選擇。(售價8,250Yen)

圖片：Tamashii

而5月推出嘅就係人氣女角「胡蝶しのぶ 蟲の呼吸」，同樣都有用上半透明特效部件，但除咗靚之外亦將胡蝶忍本人升起，再加上胡蝶忍嘅溫柔笑容，令模型呈現一種空靈感。仿照蝴蝶翅膀紋理而製嘅隊服亦仔細重現。(全高17cm、售價8,250Yen)。