作為近年最受歡迎嘅動作片系列，相信大家都非常期待《John Wick》嘅續集。而最新消息就指《John Wick 4》會於今年夏天開拍，但原定會接住拍攝嘅《John Wick 5》就會延期。

《John Wick 4》原定今年5月上映，但由於上年疫情影響拍攝，所以最後延期至2022年5月先上，數數手指就即係差唔多時間要開拍。而據《Collider》報導，《John Wick 4》會於今年6月開拍，取景地點除咗紐約之外，亦會有德國柏林、法國巴黎、及日本，據知上述三個地方都係故事中實際會出現嘅地點，換言之《John Wick》嘅世界觀會進一步拓展至全世界。對系列Fans黎講絕對係好消息。

不過另一個消息就唔多好啦。事關《John Wick 5》原定會接住《John Wick 4》拍攝，但最新計劃就會先拍咗《John Wick 4》先，亦即係原定2023年上映嘅《John Wick 5》有可能會延期。不過據報《John WIck 5》拍攝延期係因為去年疫情令好多拍攝延期，繼而影響演員們嘅空檔，所以冇辦法一次過拍哂《4》、同《5》，應該就唔會冇咗嘅。