Sony今日正式宣布，將於今年夏天遂漸停用PSP、PS3及PSV線上商店功能，玩家將無法購買數位版遊戲，但之前買落嘅遊戲依然可以重新下載。

根據官方公告， Sony將於7月2日停用PS3 PlayStation Store及PSP購買功能，而8月27日就輪到PSV，到時以上遊戲機唔可以再買數位版遊戲，亦都無法進行遊戲內購買。不過今次公告只係停止線上購買及儲值服務，之前買落嘅遊戲並唔受影響，所以如果部機唔夠位裝晒所有Game嘅朋友可以鬆一口氣，之後仍然可以Down返，但如果仲有遊戲想買嘅朋友就要把握機會喺7月之前買，否則之後只可以買實體版。

另外，PSN錢包仲有錢剩嘅朋友，之後只可以用嚟買PS4或PS5遊戲，如果無唔想買，亦可以要求退款，官方將稍後公布退款詳情。