疫情關係下，大家都無乜得出外去旅行，搞到屈喺屋企悶到爆? 好在香港都仲有唔少Event比大家參加，其中黎緊下星期嘅「加拿大 Beautiful Day 美好生活市集」，就比你搵番飛去加拿大度下假嘅感覺啦。

由Sheen Choice Ltd舉辦嘅「加拿大 Beautiful Day 美好生活市集」，今年已經係第二年舉行，活動與加拿大駐香港及澳門總領事館聯手合作，地點繼續喺D2 Place舉行。今次活動更邀請到盧覓雪小姐擔任本屆「Beautiful Star」，一定會帶比大家唔少歡樂。

市集今次主題為「多倫多的美好時光」，當中有多個加拿大品牌參與，包括優質凍肉、海產、飲品、酒類、護膚品等等，絕對係週末休閒行下嘅好選擇。

另外，現場亦設有小型展覽區，介紹多倫多一些鮮為人知嘅地點及冷知識，令大家對呢個地方有更深入嘅認識，話唔定你可能會去個邊定居。

加拿大 Beautiful Day 美好生活市集

日期: 2021 年 7 月 9 日至 11 日

時間: 上午十一時至下午八時(7 月 9 日及 10 日)、上午十一時至下午七時(7 月 11 日)

地址: 香港九龍荔枝角長順街 15 號 D2 Place 二期地下 The Garage