{ SKIP }
文:MenClub 波特先生  圖:互聯網
POSTED ON 26 Jun 2021

自助餐同電影好似唔太拉得埋一齊,但其實凡事唔係絕對的。近日沙田帝逸酒店嘅餐廳Alva House,就同電影《比得兔2:走佬日記》喺自助餐大玩Crossover,當中佢地嘅甜品區將提供多款電影主題特色蛋糕,如果你係比得兔嘅Fans,就無唔去嘅理由啦!

今次Alva House嘅自助餐以海膽及和牛為主題,當中包括令人開胃嘅海膽三文魚子和風沙律,再有火炙A4和牛壽司及海膽海葡萄蝦壽司,和牛嘅油香、海膽嘅新鮮,都真係令人難以抗拒。

唔可以錯過嘅仲有香煎鴨肝配法式牛油麵包多士,鴨肝入口即溶,滿口亦會保留香噴噴嘅油香。而特別推介嘅仲有A4和牛鴨肝海膽炒飯,將三款至矜貴食材放埋一齊,絕對係一次過為你送上三種最頂級滋味。

除左主題食材之外,Alva House亦有即開生蠔、現切刺身、各式烤肉、日式鐵板燒、爐端燒及天婦羅等等,務求令你捧住個肚走。

最後就梗係唔少得甜品,佢地今次聯乘《比得兔2:走佬日記》推出多款電影造型蛋糕,包括酸甜清新的菠蘿椰子熱情果慕絲蛋糕、雲尼拿鮮忌廉蛋糕卷、迷你紅桑子朱古力撻及芝香陣陣的美式芝士蛋糕等,岩晒拎黎打卡啦!

作為一個貓奴,你去叫主子但主子明明聽到都唔應你,係一件非常合理嘅事。但主子唔理你,好有可能唔係因為聽唔明你講咩,而係根本就唔想理你。因為據日本一個研究發現,主子們好可能係知道同一屋簷下嘅其他貓叫咩名。 ...
hobby
【寵物】日本研究指出 貓其實聽得明其他貓叫咩名
20 May 2022
雖然話大家返工都係為份糧,但一個好嘅老細的確能夠令打工仔「獲得份糧嘅過程」好過得多,相信唔少打工仔心目中亦會有一個「理想老細」嘅形象。近日日本網民「とあるん@toarutoa」就於Twitter列出「原版《龍珠》嘅菲 ...
hobby
【職場】日網民指菲利係個好老細!獲14萬人讚好
20 May 2022