雖然如今 PS5依然缺貨！好多人都仲未買到，不過改朝換代唔會因此停止，日本Sony宣佈最後支援的厚版PS4 CUH-1200系列將於 2022 年 1 月 31 日正式終止官方維修服務，原因係維修用的相關零件已經用盡。至此，PS4初代厚機型號已經全部停止維修。好彩你手上的後續的PS4 Slim 與 PS4 Pro仲有得整！不過如果買到新機，建議都係買返部PS5，如果有大量供應的話！

今次宣佈停止維修保養服務為厚版PS4最後一代PS4  CUH-1200 系列，乃最初版推出代 PS4 CUH-1000的改良款，於 2015 年  6 月開賣，外型上同最初版的PS4大致一樣，但改換左上半部的鋼琴烤漆外殼，並降低左耗電及重量，更重要的推出原因係修正原本的電容觸摸開關改為了實體開關，避免初代機被人詬病，因靜電誤觸退片的問題。如今更後期推出的PS4 Slim 與 PS4 Pro維修保養服務無受影響！

如果你係支持playstation的玩家，你換左PS 5未？雖然其實好多人仲未感受到全新次世代遊戲機的改朝換代式終極威力，但都係要革新㗎！？