曾經多次講中《GTA》、《Call of Duty》、《Battlefield》情報嘅著名爆料人Tom Henderson今日喺Twitter透露，《The Last of Us》第一集重製版（Remake）幾乎完工，或會喺2022年下半年推出。我知大家想講咩，或者到時各位都已經抽到PS5呢！

Heard from multiple people now that the TLOU remake is nearly finished and could release during the latter half of 2022???? pic.twitter.com/ZxmNU7zS9k

— Tom Henderson (@_Tom_Henderson_) January 5, 2022

But I think the overall goal here is to drum up hype for the HBO show, so we'll see what happens - And to be honest, Q3/Q4 2022 for Sony looks a little lackluster at the moment. So we'll see what happens!

Exciting times ahead! :D

— Tom Henderson (@_Tom_Henderson_) January 5, 2022

著名爆料人Tom Henderson今日喺Twitter表示，佢最近收到風《The Last of Us》重製版幾乎製作完成，或會喺下半年正式推出。另外，佢又提到《The Last of Us 2》多人遊戲模式（連機打高爾夫球？）及導演剪輯版亦即將問世，但就唔知具體時間，視乎HBO真人版劇集幾時播出，以達致最大宣傳作用。

由Naughty Dog開發、SIE發行嘅《The Last of Us》早於2013年登陸PS3，獲得遊戲界超過200個獎項，無論玩家定遊戲媒體都一致好評，至今仍然話題不斷，真人版劇集亦拍攝當中。早喺上年就有傳Naughty Dog打算推出PS5重製版（Remake，並非PS4版嘅Remastered），等玩家能夠喺次世代主機重新體驗一次遊戲，但官方一直冇證實相有關消息。