英國超市Morrisons嘗試作出非常破天荒變革2月開始90%自家品牌牛奶唔再標示「此日期前食用（use by）」。不過都會標返個「最佳食用日期（best before）」目的係為左減少浪費食物，以後當你買牛奶可能你唔再需要睇幾時過期，而係用自己觸角包括用鼻聞下睇下牛奶有無過期，無過期的就係好牛奶。不過英國食品標準局（FSA）就提醒嗅覺並非適當的判斷食物品質安全的測試，尤其針對可能引起食物中毒的產品。

根據Wrap數據顯示牛奶係英國第三大浪費的食物，僅次於薯仔和麵包，每年浪費約 4.9 億品脫（pint）。當中英國每年約有 4830 萬公升牛奶係因顧客遵循食用標籤而係未正式變壞前棄置。故此連鎖超市Morrisons高級牛奶採購員 Ian Goode 形容此措施乃大膽的一步，料每年可以減少397 萬公升自家品牌牛奶被倒，據其指出保存得宜的優質牛奶在保質期後，仍能保存數日，可如常飲用。根據英國法律英國食品標準局（FSA）指出根據加工和類型，的確可以係牛奶上標示「此日期前食用」或「最佳食用日期」，但就必須有明確的標籤，所有食品和飲料上的日期必須基於「有關產品的有力證據」。標示「此日期前食用（use by）」以及標示「最佳食用日期（best before）」兩者係完全唔同的消費習慣驅動！此日期前食用指必須於呢個期限前食用，但後者只係提醒任何飲食品幾時係獲得最佳質量、味道和質地的指引！就牛奶而言過期變質牛奶可能會呈現發黃、發黑情況，甚至凝結成糊狀，或聞上去有發酸、發臭等異味。但單純用鼻聞係乎唔係最好的方法選購牛奶！所以英國人以後要環保又醒目地買牛奶！

以上的嘗試相信好多人第一下聽或不求甚解下反應一定覺得匪夷所思！不過如果真正去嘗試理解同思考相聞內容及背後的觀念價值，其實又未嘗不可。當然其實只要有日期的存在，香港大多數消費者都會選擇最新鮮最遲生產的產品，有得選自己會挑選新鮮貨，除非牛奶未變壞前割價出售特價先會買最唔新鮮個盒！