由於日本成年年齡為20歲（今年4月起將改為18歲），所以步入2字頭對好多人嚟講係人生轉捩點，為慶祝呢個別具意義嘅大日子，日前「安藤咲桜」就宣布將推出首本寫真集，展示成人嘅一面。

今年19歲嘅「安藤咲桜」，早喺12歲就以偶像組合「TSURI×BIT」成員身份出道，15歲嗰年仲開始以客串形式為雜誌拍水着寫真，憑住甜美清新形象成功獲得唔少關注，直到後來組合解散就正式殺入埋寫真界，同時又拍下日劇及電影等等。雖然佢歷年嚟拍過唔少寫真作品，但就遲遲未有一本個人寫真集，如今終於宣布處女作將於今年2月推出，搞到Fans們都鬼死咁興奮，有興趣嘅朋友記得密切留意喇。