Marvel MCU最新電影《奇異博士2：失控多元宇宙》(Doctor Strange in the Multiverse of Madness)下個月6號美國上畫，上映前傳出刺激內幕，據說電影將會破天荒由兩個唔同版本劇情同步上映，而且仲要係隨機決定播出，即係你作為觀眾係唔知道入場睇緊邊個版本，到底係A結局定B結局劇情走向，如果你想睇埋另一個版本。唔好意思，你再買另一張門票有2份一機會睇返同一個版本，咁要睇幾多次先至可以睇哂兩個版本呢？係多元失控宇宙當中係難以預料！

首先講一個已確認的消息，《奇異博士2》將唔再係迪士尼合家歡電影，已被定為PG-13級別，並會係Marvel第一部恐怖片走向。然後就論到講疑似放風的內幕消息！根據煞有介事要爆出嚟嘅內幕消息指出，《奇異博士2》有兩個不同版本同步隨機上映，再有內幕消息話上年年底電影劇組係洛杉磯「額外補拍」多6星期的內容，製作出兩個版本，兩者劇情走向大有分別，將可能直接影響 「紅女巫」和黑化版「奇異博士」最後誰是終極反派的走向。對於呢個無法判別真假的內幕消息，Marvel主席Kevin Feige居然表示大感興奮，仲認為隨機版本係展現「多元宇宙」概念最佳方式。假如真係可以吸引Marvel影迷一睇再睇？據知唔駛睇到尾，第30分鐘後，就會睇出劇情明顯唔同，如果影迷入場睇到一半發覺又係同一劇情，中場係咪搣飛憤怒離場？