雖然近年嘅潮流係不論男女都鍾意健身，但依然有唔少女仔對於能夠鍛練肌肉嘅重量訓練避之則吉，覺得練到好大隻個人唔好睇。先唔好講究竟係咪每個星期去舉兩下鐵就驚「好大隻」合唔合理，日本新晉水著女星藤田もも就親身示範舉鐵唔單止唔會令身材變差，反而仲可以再進一步！

藤田もも由2020年開始創作YouTube影片，由於身材勁好嘅關係，所以冇幾耐就進軍水著寫真界。而佢喺接受訪問時就提過，佢由三年級起，上圍就已經去到E Cup，當時係田徑部部員嘅佢，每次比賽時胸前兩團肉都會上下翻飛，非常尷尬。而且因為身材太好，佢就好怕會受地心吸力影響而下垂，於是一個星期去做3次Gym，仲要專練胸肌，結果唔單止解決下垂問題，仲令自己嘅身材再進一Cup，黎到依家大家見到嘅F。

擁有好身材嘅藤田もも亦於寫真界闖出成績，目前出咗四隻寫真DVD (兩隻係VR黎添)、亦多次為日本雜誌拍攝寫真，喺IG上亦不時Post出自己嘅好身材照。以圖黎證明推胸係可以令身材再進步架！當然，大家身邊有幾多女仔要面對「下垂」呢個問題又係另一回事啦下…

圖片：momo_pon12 on IG