作為日本知名插畫家，空山基雖然已經75歲，但係亦無阻佢嘅藝術創作繼續擴展全球。而近日佢再次同MIZUNO合作，推出全新兩款 WAVE PROPHECY SORAYAMA 聯乘鞋款。

今次其實已經係空山基第三次同MIZUNO合作，亦都係雙方合作嘅最終章。今次雙方聯乘嘅 WAVE PROPHECYSORAYAMA 除左成為 MIZUNO SPORTSTYLE HK 首對公開發售嘅聯乘鞋款之外，香港亦成為亞洲除日本及韓國之外，唯一發售地點，可見其對香港嘅重視。

全新聯乘鞋款繼續行金屬元素方向，以空山基相當有代表性嘅「未來主義」及「Sexy Robot」融入設計之中，並起用佢地認為「運動員最渴望的顏色」 - 金色，加上透明樹脂建構出半透明嘅白色鞋身，同時鞋底起用技術更獨特嘅設計，令鞋嘅感覺好似懸浮於空中一樣。