{ SKIP }
文:MenClub 魏文青  
POSTED ON 31 May 2022

連續放咗三日假後,陪審團由美國時間今日 (週二) 起就會回到法庭繼續為Johnny Depp控告Amber Heard一案作商議裁決,而坊間亦有幾日時間對於連月黎堪稱「日日新鮮日日甘」嘅審訊作出總結。例如俄羅斯裔美國籍電腦學家Lex Fridman就於Twitter發表自己對於案件嘅感想,結果引到Elon Musk留言,再引黎數千名網民圍插呀世界首富。

Lex Fridman於Twitter上指,睇完成場審訊後佢有5大感想,第一係「名氣可以係毒品 (對某啲人黎講)」、「精神科醫生及律師嘅水平可以差好遠」、「原來人類係可以於數百萬人面前講大話」、「愛情可以好混亂」以及JD於庭上被問嘅一句「Mega Pint of Wine」。而佢嘅呢篇帖文就引黎Elon Musk留言:「我希望佢哋 (JD 及 AH) 都可以放下,喺佢哋最好狀態嘅時候,佢哋都係不得了嘅人」。

就咁睇Elon Musk呢句嘢其實就人畜無害,問題係Elon Musk同呢單案其實有千絲萬縷嘅關係。庭上證據顯示AH喺未與JD正式離婚之時,就已經頻頻帶Elon Musk去JD名下嘅大宅中私會,密到樓下門衛都決定畀張電子匙卡佢方便出入,其中一次更加搵埋名模兼演員Cara Delevingne「三人行」。JD亦曾向朋友傳訊息,稱Elon Musk為「Mollusk (軟體動物)」,又話係Elon Musk出錢為AH搵律師,更揚言要搵Elon Musk出黎隻揪。甚至案件開審之前,大家都估計Elon Musk本人會被傳召上庭。

換言之,Elon Musk某程度上係造成JD與AH關係愈加惡劣嘅原因之一,佢本人亦只係僅僅避開被直接捲入審訊之中,依家就出黎「祝福」二人要「放下」,實在非常有講風涼話之嫌。結果Elon Musk嘅留言就遭到網民圍攻,有人貼出Elon Musk與AH於JD大宅升降機內「依泣」嘅閉路電視片段並留言「單嘢同你直接有關架!」;有人指責Elon Musk逃避上庭說出真相還JD清白;又有人問點解Elon Musk咁有錢,同AH私會都唔去Book酒店要去JD間屋。

深受高達迷歡迎嘅《閃光之凱薩衛》續集《閃光之凱薩衛 瑟茜的魔女》終於確定上映日期,並同步公開正式預告及主視覺圖。各位Fans係時候返去重溫定第一集,準備迎接全新篇章喇! iframe width="560" height="315 ...
hobby
【高達】《閃光之凱薩衛 瑟茜的魔女》公開正式預告 確定2026年1月30日在日本上映
10 Oct 2025
如果話拍 MCU 電影嘅好處係名成利就(對大部份演員嚟講係啦),咁其中一個唔好處,可能就係你講嘅嘢以後都無人信。好似 Andrew Garfield 咁,自從當年佢極力否認會於《Spider-Man: No Way Home》中現身,到套戲上映 ...
hobby
【影視】被問會否出演《Doomsday》 Andrew Garfield:「唔__會!」
10 Oct 2025