{ SKIP }
文:MenClub 魏文青  
POSTED ON 01 Sep 2022

雖然近日日本政府宣佈新嘅入境政策,距離大家能夠自由行去日本似乎又近咗一步,但兩年幾三年嘅疫情,已經對日本當地有深遠影響,多個大家以前去過、必去嘅景點,都因為不同原因而消失。就好似秋葉原著名ACG店「虎之穴」,以及不論係日劇定係《數碼暴龍》都曾經出現過嘅台場摩天輪,不約而同地於昨日(8月31日) 結業。

先講「虎之穴 ( とらのあな )」。以販售同人誌、ACG相關產品而聞名嘅虎之穴,1994年於秋葉原開業,隨後一路擴充,最高峰時單單係秋葉原範圍就已經有A、B、C三間店,全國更一度有近30間實體店。但自從2020年疫情開始,其實體店數量就一直減少,到今年7月時僅剩6間,隨後更宣佈會於8月再關閉5間,當中包括位於發跡地秋葉原嘅最後一間「秋葉原A店」。之後全日本僅餘以女性向產品為主嘅池袋店,以及位於台北嘅分店。

昨日就係「秋葉原A店」嘅最後一日營業,於結業一刻有大批Fans於門口守候,希望紀錄「聖地」嘅最後時光。從Twitter影片可見,結業前一刻店長以大聲公向守候嘅Fans們道謝,而Fans亦送上最後嘅掌聲與歡呼。隨後店面鐵閘緩緩落下,完成其服務ACG愛好者28年嘅歷史使命。

同一日於秋葉原南邊嘅台場,開業23年嘅巨大摩天輪「パレットタウン大観覧車」亦迎來結業。台場摩天輪屬當地大型休閒地點「Palette Town」嘅一部份,自1999年就屹立於台場,除咗曾於多部日劇出現、又係日本人告別熱門地點之外,更因為曾於初代《數碼暴龍》動畫中出現而成為唔少動畫迷嘅回憶之一。不過「Palette Town」母公司於2021年宣佈會重新開發該地皮,所以包括「Toyota MEGA Web」、「teamLab美術館」、表演場地「Zepp Tokyo」、以及中世紀歐美風商場「Venus Fort」等都會相繼結業,而台場摩天輪亦於昨日正式告別。

同樣從網民拍攝嘅影片,可見摩天輪於最後時刻,以LED燈打出「23年來,真的非常感謝」的字句,然後除除熄燈。

因為三十幾年前喺7仔偷朱古力而耿耿於懷,最近Dwayne Johnson決定重返當年「犯罪現場」彌補過錯。
hobby
【彌補過錯】Dwayne Johnson公開少時偷竊黑歷史 重回「犯罪現場」掃清貨架贖罪
30 Nov 2022
大家讀書時或者都曾經食過童星點心麵,而雖然依家香港好似冇咩人會討論起呢款零食,但喺發源地日本佢就動作多多。繼早前與Reebok及atmos聯手推出鞋身印有點心麵嘅Classic Leather波鞋後,近日又再推出第二彈,而且係 ...
hobby
【日本】童星點心麵聯乘Reebok 推增量版波鞋
29 Nov 2022