{ SKIP }
文:MenClub 魏文青  
POSTED ON 25 Oct 2022

近年飽受癌症困擾嘅日本著名音樂家坂本龍一,今日宣佈會於12月舉行線上獨奏會,更表示自己已經無體力舉行現場音樂會,「這次可能是最後一次演出」。

坂本龍一將於今年12月11日,舉行全球線上獨奏會《Ryuichi Sakamoto: Playing the Piano 2022》,獨奏會嘅片段全部都係事前錄製。據報錄影於今年9月時進行,坂本龍一選擇佢稱為「日本最好錄音室」嘅NHK509作為錄音場地,並從紐約聘請最好嘅工作人員,每日專注錄奏幾首歌,再加以精心剪接,最後得出約60分鐘嘅演奏。據知整個錄影過程亦有紀錄落黎,未來或會製成紀錄電影。

坂本龍一表示未來會繼續創作活動,但考慮到要與疾病搏鬥,演出活動就可能只餘呢一次。

坂本龍一於2014年首次患上口腔癌,當時休息一年後復工;但於2020年6月年又被診出直腸癌,隨後癌症擴散至肝臟、淋巴及肺部,當時醫生指出如果咩都唔做,佢大約只餘半年壽命。坂本龍一於今年稍早接受訪問時透露,自2021年1月起佢總共進行過六次手術,切除所有能夠用手術切除嘅腫瘤,當中更有一次原定12小時、最後進行咗20小時嘅大型手術。但坂本龍一指出癌症依然存在,並改為接受全身藥物治療。

坂本龍一於今年3月,曾與日本女演員吉永小百合聯手為「311地震」作支援演出;佢亦曾於2020年12月進行線上演出,但當時演出並沒錄影。

大家想唔想香港嘅戲院都效法AMC呢?至少可以比貴少少揀個好啲嘅位。
hobby
【影視】全美最大院線AMC推分區票價計劃 座位愈好售價愈貴
08 Feb 2023
日前係美國樂壇盛事Grammy (格林美) 頒獎典禮嘅大日子,儘管台上嘅得獎者及表演者都非常落力,但事後網民注意力卻全部放哂喺台下,而且主角仲要唔係一位歌手,而係著名演員Ben Affleck。之於原因嘛,就係因為陪老婆J ...
hobby
【影視】Ben Affleck陪JLo出席格林美 生無可戀表情成熱話
07 Feb 2023