之前我哋就已經講過，近年唔少日本寫真女星，都係參加由各大青少年雜誌舉行嘅選美比賽獲獎，然後先正式出道拍攝寫真。但日本嘅靚女多到，就算係落選者都非常高質！好似今晚要介紹呢位「立花玲奈」就係啦！

現年24歲嘅立花玲奈，曾經參加《週列Young Magazine》舉行嘅「Miss Magazine 2020」選美比賽，同場仲有早幾日介紹過嘅「菊地姫奈」以及著名水著女星都丸紗也華個妹都丸亞華梨。雖然立花玲奈成功殺入最後16強，但最後都係空手而歸。不過贏唔到比賽都唔緊要，立花玲奈依然憑出色表現成功打入寫真界！

據報「立花玲奈」喺入行之前，乃係一名伴舞舞者，或者係因為運動量足夠嘅關係，所以佢全身都非常緊致，再加上個甜到漏嘅笑容，講真我係唔明點解佢會一個獎都拎唔到。希望佢未來可以有更多機會同大家見面啦。

IG：_rena615