大家讀書時或者都曾經食過童星點心麵，而雖然依家香港好似冇咩人會討論起呢款零食，但喺發源地日本佢就動作多多。繼早前與Reebok及atmos聯手推出鞋身印有點心麵嘅Classic Leather波鞋後，近日又再推出第二彈，而且係「增量版」。

9月時atmos宣佈會同童星點心麵以及Reebok合作，推出聯乘鞋款，最後得就出以Reebok經典款Classic Leather為藍本，再加入童星點心麵主題嘅波鞋，而且睇黎喺日本嘅反應相當唔錯，因為近日佢哋就再推出聯第二彈。

今次改用Reebok旗下另一款波鞋Club C做主體，而最大賣點就係成對鞋，包括入面個鞋墊都印滿點心麵，難怪網民笑稱呢對係「增量版」。同時亦保留點心麵嘅其他元素，例如左右腳鞋跟位置就分別印上兩代吉祥物「ベイちゃん」同「ホシオくん」。

對鞋已於11月26日，於日本atmos官網開始發售，售價為14,300Yen，即約HKD$800左右。

資料來源：atmos