{ SKIP }
文:MenClub 魏文青  
POSTED ON 17 Jan 2023

自從當年《Titanic》播出,坊間就一直有聲音指出,Leonardo DiCaprio飾演嘅Jack,喺電影最後明明可以同Rose一齊爬上度門到,咁就可以兩個人一齊獲救。甚至著名節目《Mythbuster》當年都實測過呢個理論,證明兩個人都獲嘅可能的確理論上存在。不過導演James Cameron似乎就唔太同意呢個說法,所以佢決定自己用「科學方法」再測試一次。

卻說James Cameron早前與National Geographic合力製作《Titanic》25週年特備節目《Titanic: 25 Years Later》,其中一部份就係James Cameron與紐西蘭Otago大學嘅團隊,試圖以最科學嘅方法實測電影中嘅Jack究竟係咪「枉死」。佢哋先搵黎兩名身型與Jack同Rose相似嘅特技演員,將佢哋放喺一個水溫為攝氏13度嘅泳池之中,而且由於泳池水溫比起電影中嘅水溫高一倍,所以兩名特技演員浸喺水入面嘅時間亦長一倍。之後再還原哂Rose畀人撳落水、Jack去營救等等劇情細節,最後先測試究竟兩個人有冇可能同時爬上度「門」到救生。

喺近日公佈嘅宣傳片中,James Cameron就話佢哋前後進行咗四次測試,並得出一啲「幾確實而且快速嘅結論」,但佢就冇透露到啲結論係咩。順帶一提,James Cameron亦指出,戲中Rose爬上去嗰塊,其實唔係一度門,而係來自鐵達尼號頭等艙嘅某塊木製裝飾板黎。

《Titanic: 25 Years Later》會於美國時間2月5日於National Geographic播出。

大家想唔想香港嘅戲院都效法AMC呢?至少可以比貴少少揀個好啲嘅位。
hobby
【影視】全美最大院線AMC推分區票價計劃 座位愈好售價愈貴
08 Feb 2023
日前係美國樂壇盛事Grammy (格林美) 頒獎典禮嘅大日子,儘管台上嘅得獎者及表演者都非常落力,但事後網民注意力卻全部放哂喺台下,而且主角仲要唔係一位歌手,而係著名演員Ben Affleck。之於原因嘛,就係因為陪老婆J ...
hobby
【影視】Ben Affleck陪JLo出席格林美 生無可戀表情成熱話
07 Feb 2023