由於「Mar10」睇落去同「Mario」好似，所以一眾《Super Mario Bros.》粉絲就將每年3月10日定為「Mario日」。而今年更有《The Super Mario Bros.》首部電影上映，官方就當然更加隆重其事。所以早前佢哋就同著名皮靴品牌Red Wing，聯手推出真實比例嘅「Mario皮靴」。

大家對於Mario嘅外表應該非常熟悉，但相信唔少人都冇留意原來佢係著住對皮靴。而Red Wing及電影《Super Mario Bros.》製作方，就決定將電影中Mario著嘅皮靴實體化，無論大小、形狀都係跟足Mario嗰對黎製作，兼且用上Red Wing標誌性嘅啡色真皮，防滑鞋底，再加上針線縫合而成。鞋內後跟位置仲有《Super Mario Bros.》電影嘅標誌，相當有紀念性。

不過呢對鞋目前並無量產打算——當然呢個鞋型相信亦冇咩人可以著到——而係會放喺任天堂紐約旗艦店中展出，以為電影宣傳。

資料來源：Snearkernews