{ SKIP }
文:MenClub 魏文青  
POSTED ON 07 Nov 2023

9月時我哋曾經報導過,日本職棒球隊「阪神虎」奪得所屬中央聯盟冠軍,引來球迷按「傳統」跳道頓堀慶祝一事。而事隔三個月,阪神虎先於高潮系列賽擊敗同聯盟嘅「廣島東洋鯉魚」,再於剛過去嘅週日擊敗太平洋聯盟冠軍「歐力士猛牛」,自1985年 (即係第一次掉肯德基爺爺落河,引來「肯德基爺爺詛咒」嗰年) 後事隔38年再次成為「日本一」,咁你估下阪神虎啲球迷會點慶祝?冇錯,又跳道頓堀!

阪神虎於週日晚上奪冠之後,大量球迷已經於道頓堀一帶做好準備,而大阪警方亦派出1,300名警方於道頓堀附近維持秩序、防止民眾跳河,但最終仍有37人成功突破防線跳入道頓堀。當中最搶眼嘅,就係有位戴住口罩嘅女性提前換好泳裝,並於旁觀民眾倒數後躍入道頓堀之中。但值得一提嘅係,該女子嘅「跳河」位置疑似係道頓堀兩旁較貼近水面嘅位置,而非傳統嘅由橋上躍下,所以視覺衝擊力略為不足。

而另一名民眾就穿上白西裝、戴白假髮,打扮成肯德基爺爺,再被其他民眾合力拋入河。算係呼應當年奪冠後將KFC門口個「肯德基爺爺」雕像掉落河。

另外,數據顥示週日晚上阪神虎嘅比賽,於大阪地區嘅平均收視為38.1%,最高收視瞬間為50%,可見大阪民眾相當關心比賽。而據大阪市水務局統計,當日比賽前30分鐘內,大阪地區160萬戶家庭嘅用水量明顯上升,推測民眾為咗睇波睇前沖涼;而比賽期間用水量更大減20%,顯示民眾連廁所都唔敢去。而當阪神監督岡田彰布發表完勝利演說後,大阪市用水量立即暴增。

改編自原著漫畫第七部作品《飆馬野郎(Steel Ball Run)》嘅電視動畫《飆馬野郎 JOJO的奇妙冒險》今日公開正式前導預告,預計2026年在Netflix獨家播出! 《飆馬野郎》故事發生喺一個獨立於前六部作品嘅平行 ...
hobby
【動漫】《飆馬野郎 JOJO的奇妙冒險》公開正式前導預告 2026年Netflix獨家播出
14 Oct 2025
雖然無對外公開承認,但現年63歲嘅Tom Cruise與37歲嘅Ana de Armas戀得火熱就已經係人盡皆知,近日更有報導指二人即將拉埋天窗。不過比起二人結婚呢件事,更搶眼嘅係佢兩個打算「點樣結」,事關據報Tom Cruise就連結 ...
hobby
【影視】Tom Cruise結婚都要「不可能的任務」 傳太空或深海行禮
14 Oct 2025