雖然美國演員工會（SAG-AFTRA）結束罷工後，三位主演已經馬上出席宣傳活動救市，但票房表現仍持續低迷，極大機會成為MCU 33部電影中票房最差嘅一部嘅作品。

MCU本度年最後一部電影《The Marvels》（Marvel隊長2）繼開畫周創下「MCU最差開畫票房記錄」後，次周票房成績亦未見起息，北美票房僅收1,020萬美元，跌幅高達78%，情況比今年初上映嘅《Ant-Man 3》（次周票房跌幅69%）更加嚴峻，同時創下MCU史上次周票房跌幅最大記錄。

目前《The Marvels》全球票房為1.61億美元，若然未來幾周票房表現未能谷底反彈，好大可能會接替2008年《The Incredible Hulk（新變形俠醫）》「包尾」位置（全球2.65億美元票房），成為MCU史上最低票房電影。另外，有報導指《The Marvels》製作成本高達2.75億美元，再加上宣傳開支，至少要達到7億美元票房先能夠回本，睇嚟都機會渺茫。

對於票房成績未如理想，「Ms. Marvel」演員Iman Vellani日前接受《Yahoo Entertainment》訪問時表示，相比起票房表現，佢更在意觀眾對電影嘅評價，而自己亦非常滿意《The Marvels》呢部作品：「我唔想專注喺一啲我無法控制嘅事，咁有咩意義呢？呢啲係Bob Iger嘅事（迪士尼CEO），票房完全與我無關。我對電影成品感到滿意，而且我在意嘅人都好享受呢部電影。」