曾經喺2000年代紅極一時嘅《叛諜追擊（The Bourne）》系列即將迎來新作，唔知Matt Damon會唔會回歸呢？

據外媒《Deadline》報導，環球影業正籌拍全新一集《叛諜追擊》電影，並鎖定今年奧斯卡最佳國際影片《All Quiet on the Western Front（西線無戰事）》導演Edward Berger掌鏡，但目前仍處於早期開發階段，仍在物色編劇撰寫劇本。至於曾出演4部《叛諜追擊》電影嘅Matt Damon會否回歸，消息人士就表示等到劇本完工後，環球先會接洽Matt Damon，而對方亦會確保一切就緒，先會考慮會否回歸。

《叛諜追擊》系列改編自小說家Robert Ludlum的同名小說，劇情圍繞一位名為Jason Bourne嘅失憶特工尋找自己真實身份展開，其中有一集外傳由「鷹眼」Jeremy Reener主演，全系列累計票房高達16億美元。