{ SKIP }
文:MenClub 魏文青  
POSTED ON 04 Mar 2025

上週末除咗係荷里活年度大事金像獎頒獎典禮之外,每年向最爛電影頒發「榮譽」嘅「金草莓獎」一如慣例地安排於金像獎前公佈得獎名單。結果九個「最爛」獎項被四部電影瓜分,當中由Dakota Johnson主演嘅《Madame Web》奪得三獎成為最大「贏家」,名導Francis Coppola嘅新作《Megalopolis》、Joaquin Phoenix及Lady Gaga主演嘅《Joker:Folie a Deux》,以及由著名喜劇演員Jerry Seinfeld(當年《宋飛正傳》個「宋飛」)執導嘅《Unfrosted》則分奪兩獎。

日前公佈嘅「最爛」名單之中,《Madame Web》一口氣奪下「最爛電影」、「最爛女主角」(Dakota Johnson)以及「最爛劇本」三個大獎;而《Megalopolis》則被評為「最爛導演」,當中有份演出嘅Jon Voight被選為「最爛男配角」——但值得一提嘅係Jon Voight係憑去年多部作品嘅「穩定表現」而獲提名,《Megalopolis》只係其中之一。

另一邊廂,「最爛男主角」及「最爛女配角」則由《Unfrosted》嘅Jerry Seinfeld以及Amy Schumer分別奪得;《Joker:Folie a Deux》則獲得「最爛重拍、山寨或續集」以及「最爛銀幕組合」(Joaquin Phoenix 及 Lady Gaga)。

有趣嘅係,《Megalopolis》導演Francis Coppola事後於IG上發表得獎感言,成為少數正式接受「金草莓獎」嘅得主之一。Francis Coppola於IG帖文中表示,於「很少人有勇氣反對當代電影製作的主流趨勢時」獲得「最爛導演」仲有多個提名係一項榮譽。

佢隨後指出「於呢個毀損嚴重、藝術會如職業摔角一樣被評分嘅世界中,我選擇不遵從由儘管擁有大量年輕人才,卻不敢承受風險,以致無法創作出50年後仍然有意義嘅作品嘅產業所定下嘅懦夫規則」、「能夠與傾盡財產拍出電影史上最受愛戴的失敗作品《PLAYTIME!》的導演Jacques Tati 比肩是我的榮幸。衷心感謝所有與我一起創作《Megalopolis》的傑出同仁。同時讓我們提醒自己,票房只代表金錢,而就像戰爭一樣,愚蠢和政治在我們的未來沒有地位。」

繼《超級瑪利歐兄弟大電影》大獲成功及《薩爾達傳說》真人版電影計劃公開後,任天堂並無打算停低腳步,正準備將更多經典角色搬上大銀幕! 據外媒《IGN》報導,任天堂同環球影業最近為一部名為《Untitled Do ...
hobby
【影視】大金剛有望登陸大銀幕擔正主角?任天堂與環球影業註冊《Donkey Kong》電影項目
15 Jul 2025
《龍珠》嘅歷史悠久,代表相關嘅衍生作品,例如遊戲亦非常多。如果你一個Fans,或者會覺得要同時追N隻Game有啲麻煩,但有好多隻Game就同時亦代表有好多「週年紀念」及相關官方活動。好似近日《龍珠》嘅官方X繼今年2 ...
hobby
【動漫】龍珠手遊7週年 官方X抽悟空及菲利衣裝
15 Jul 2025