{ SKIP }
文:MenClub 軾條鉄  
POSTED ON 25 Oct 2019
咩叫十年人事幾番新?看看2009年負面新聞纏身的E-Kids Tommy,前途暗淡甚至欠下賭債,可謂「衰到貼地」。當年曾經萌生「不如死咗就算」的他,有冇諗過十年後,2019年嘅今日,香港人會讚佢「型過余文樂100倍」。或許有人會懷疑Tommy不過係衝出嚟拎「黃絲」光環,但一次又一次的聲援,站喺前線幫手,facebook post對答如流。喂,香港人,你認識嘅阮民安,係娛樂新聞上嘅阮民安,定係有機會表達自己嘅阮民安先?


好多人未必肯承認,但當年在E-Kids組合的Tommy阮民安,曾經係香港樂壇成走紅過。作為一位藝人歌手,有自己的代表作《開始戀愛》、《魅力移動》。但娛樂圈名利場嘅生態,做事唔圓滑,唔左右逢緣,甚至唔跪,有算幾有才華幾努力都好,你嘅機會肯定係「零」。阮民安:「無論做到幾多嘢都好,只要你唔係佢哋條船嘅人,佢哋就用各種方法打壓你;例如唔播你啲歌,當年無互聯網呀嘛,無互聯網便得靠電台、電視台。」

Wardrobe - 
Anti Social Social Club
Eastpak X WHITE MOUNATINEERING
FR2


阮民安另一樣豐功偉績,可以話係堪稱香港娛樂圈負皮王之一。好多明星歌手有負面新聞,係因為同娛記一早夾好咗,趁有新戲新歌派台,就趁機擦話題增加曝光率。但Tommy阮民安奇就奇在:「娛樂報紙每年會考又提下我,邊個賭錢輸咗又提下我,邊個飲醉酒你又提下我,我咩都冇做,但你哋總係提起我,被視為恥笑對象,我梗係明啦!把口係你哋度,我可以點?但我從來都冇當自己係。當年有樂壇小強呢個花名,其實我係好難受。」當年娛樂雜誌吹嘅風,大量抹黑材料,阮民安實在食唔少。

正常人也會追問「點解唔走出嚟呈清先?」但當年身處大染缸的Tommy卻被師姐張柏芝勸阻:「人哋覺得你負面,黑人憎,你點解釋都冇用,佢哋冇興趣聽;更何況,邊會有人報導你講嘅說話,你走出嚟解釋只會越描越黑。等到有一日,有人想聽你解釋,你到時先再解釋啦!」結果,Tommy等咗十幾年,又真係俾佢等到。


Wardrobe -
Supreme
Daily Paper
Nike X UNDERCOVER

骨氣好昂貴,在當年面對E-Kids解散後,Tommy曾經有機會入「大台」工作,擦存在感。但Tommy當時便一口拒絕:「TVB就係另一個我認為比較仆街的大機構,依家緊係好啦,因為全香港終於一齊覺得TVB係仆街嘛,我係好開心大家終於都發現到,唔係得我自己一個發現。」

「當時你只要唔係同TVB friend,咁咪永遠都唔俾你想佢節目。咁有嘅,咪個啲明愛暖萬心
係後面拎住啲心心,成晚就係度fing、跟住就大合唱,佢哋就係咁。」Tommy對於大台,對於建制的痛恨,可以話係比好多香港人更早覺醒。不過呢種行快人一步嘅覺醒,就好似梁天琦於2016年時不被了解一樣,要承受好大代價。


香港讀書教大家要有獨立思考,不平則鳴。但事實上當你面前社會後,不平則鳴,或許你已標籤為「唔識do」,甚至係傻仔。響今年2019年社會運動當中,Tommy 阮民安走出來反送中,支持示威者,好多人會覺得佢搶光環,搶曝光率,因為佢根本nothing to lost冇成本。而事實上因為今次事件,他與太太Eva Cheung在8月舉行上海時裝週已經被cancel,而佢哋喺國內嘅DJ表演job,甚至時裝品牌營銷都一一拒諸門外。正所謂時窮節乃現。睇下無論香港藝人粒聲唔出,甚至搶住去做甚麼護旗手,阮民安走出來發聲的成本其實好高,亦好狠貴,「型過余文樂100倍」呢句說話,實至名歸!

Wardrobe - 
Levi’s
China Town Market
Converse X NBHD

Interview - Chris Yim

Photographer Sam Lam
Videographer - Casper CHiu
Editing - Casper Chiu

小時候看娛樂新聞,同輩的藝人大多都是競爭關係,四大天王的幾次同台之所以是新聞,除了因為四個人加起來的號召力,更是因為大家深知「佢哋平時唔會企埋一齊架」。但近年的新世代演員大多都非常團結,當中更有不少可 ...
people
林耀聲 黃溢濠 盧鎮業
12 Oct 2020
iframe width="700" height="398" src="https://www.youtube.com/embed/ZBpneWQmJNo" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen/iframe ...
people
【MENCLUB PEOPLE】思想的力量 - 王敏德 Michael Wong
08 Sep 2020