{ SKIP }
文:MenClub 玄火  
POSTED ON 10 Jan 2020

今季西班牙超級盃徹底改頭換面,參賽隊不僅由2變4,並移師沙地阿拉伯舉行,很多球迷仍然莫名其妙,搞不清甚麼葫蘆賣甚麼藥。弱弱一問,有機會有時間的話,你會去沙地睇波嗎?

今季西超盃由皇家馬德里、華倫西亞、巴塞隆拿、馬德里體育會角逐,以單場淘汰制形式決勝負,並由西班牙國內移師沙地,球場King Abdullah Sports City stadium可容納6.2萬人。為何會勞師動眾搞大佢?答案肯肯定是錢作怪,西班牙足總收到4000萬歐元收入,怎會張嘴say no!

雖然兩場4強大戰門票接近售罄,但西班牙球迷卻滿肚苦水。雖然沙地給西班牙足總分配了1.2萬張波飛,但最終只售出9%,4隊粉絲加起來只購入1000張票左右,皇馬賣了700張、巴塞售出300張、馬體會和華倫分別要了50張和26張,多數購票者更是中東或沙地工作的西班牙人。雖然門票不貴,價格只在25歐元至37歐元之間,但山長水遠去到地球另一邊搞,西班牙超級盃已不是給西班牙人睇的超級盃,正如大台港劇不是拍給香港人睇。

前往打氣的華倫球迷最少,球會決定自掏腰包買飛,那26人不用付門票錢;皇馬球迷會la Ramón Mendoza透露,若無法晉級決賽,會方答應100%回水,信心十足。西班牙人之所以冷待西超盃,主因是路途不短,路費不菲,機票需要2000歐元,加上食宿,每人至少要預算3000歐元,當中仍未包括睇波時的球場消費。

沙地近年大搞體育投資,大賽一個接一個,已完成的賽事有拳王大戰Anthony Joshua對Andy Ruiz、意大利超級盃、足球友誼賽巴西對阿根廷,現時正在舉行達喀爾拉力賽。之後,當地會舉行首場LPGA女子高球賽,還會舉辦2000萬美元的賽馬比賽Saudi Cup,更會舉行首個沙地桌球排名賽,獎金250萬鎊與世錦賽睇齊。

不過,沙地人權狀況一直備受關注,多間西班牙電視台紛紛拒絕轉播西超盃,最後落在Movistar手中。對於公家電視RTVE拒絕轉播,西班牙足總主席更威脅把對方告上法庭,認為政治不該與體育扯上關係。然而,很多球星早已實現財務自由,想打就打,前高球一哥麥克萊已宣佈,拒絕出戰沙地首度舉辦的歐巡賽,寧棄250萬美元出場費!

唯快不破!
sports
【超速對決】世錦賽「火箭」vs 泰國「快槍手」輕鬆領先8:1
03 Aug 2020
對於唔少人黎講心入面有好多野想食,但奈何現實有唔少限制,例如你好容易一食就肥、身體有問題唔可以亂食野,又或者啲餐廳無得堂食。而對於利物浦核心沙拿黎講,食野係一啲問題都無,佢想食乜都得。 Cre ...
sports
【同人唔同命】沙拿:我無脂肪想食咩都得
31 Jul 2020