NBA球員嘅波衫過去一直在背面印上球員嘅名字，例如「James」、「Westbrook」、「Curry」等字樣，讓球證、球迷等在場上識別球員。不過，未來NBA將好大機會發寬呢個安排，並准許不一定印上名字，例如可以印上有關社會運動的字樣。

目前NBA球員工會正與NBA就以上安排進行探討，由於美國正進行大規模黑人平權運動，因此不少球星都希望藉住NBA呢個巨大嘅平台發聲，以引起大眾進一步關注。因此，預計於7月底回歸嘅NBA賽事，將好大機會見到球員背部印上有關社會運動的字樣。

其實此前已經有其他體育聯盟進行有關行動，就好似早前已經展開嘅英超賽事，已經有球員於波衫上印上「Black Lives Matter」嘅字樣，為公義發聲。