日本唔少女星都係「特攝」劇集、即係香港俗稱嘅「戰隊」出身，當中絕大部份都係因為出演戲份較多嘅「戰隊」嗰邊而受著目——實際上亦唔多人在意啲奸角「幹部」們係由邊個出現。不過今晚要介紹嘅呢位「宮崎あみさ」，就係憑飾演幹部而爆紅！

宮崎あみさ媽媽係緬甸人，所以佢係日緬混血兒，上有姐姐，下有妹妹，仲有個孖生嘅細佬。宮崎あみさ自小就對Cosplay有興趣，所以曾經去Cosplay餐廳打工，然後於餐廳被發掘加入地下偶像團體，可惜團體發展未如理想，2020年初解散後轉到同公司嘅另一組合，到2020年4月連經理人都轉埋先迎來轉機，首次登上《週刊Young Jump》成為制服美少女企劃團體「制コレ’20」成員之一，亦正式晉身水著偶像。

雖然宮崎あみさ身高只有149cm，身材數字亦只有31-21-32，但就正因為佢個人好細粒，比例上就顯得身材玲瓏浮凸，水著照亦大受歡迎，加上出演《暴太郎戦隊ドンブラザーズ》中嘅腦人幹部令其人氣急升，目前IG已經有7.5萬Followers，演員、偶像、水著三線發展，形勢一片大好呀！

圖片：miyazaki_aa on IG