唔知幾時開始，村上春樹同「文青」呢個概念變得密不可分，唔睇返幾本村上春樹都唔好意思同人講自己係文青。最近UNIQLO就宣布同世界知名小說家村上春樹聯乘推出「Haruki Murakami / 村上RADIO UT」系列，以村上多部暢銷作品為主題推出特別版T-Shrit，當中包括《挪威的森林》、《1Q84》、《海邊的卡夫卡》、《1973 年的彈珠玩具》、《舞・舞・舞》以及《人造衛星情人》。

除咗T-Shirt，另外UNIQLO更推出《舞・舞・舞》及兩款羊男襟章，仲有「村上RADIO」貼紙等周邊商品，將於3月8日喺日本上架。至於香港方面，就暫時未有上架相關消息，各位朋友如果有興趣又唔想搵代購就要耐心等下。

價格方面，T-Shirt每件均為1,500日元（約$108港幣），而襟章每款均為590日元（約$43港幣）。