剛剛都提過，MTO服務已經唔再係新概念，基本上，無論服裝、配飾都有品牌推出過類似服務，咁要點樣扭橋先可以突圍而出呢？

Salvatore Ferragamo就諗到從用家身份切入，為駕車人士推出駕車鞋個人訂造服務，由鞋面至鞋底至配飾，大大話話有成百種變化，例如皮料有鱷魚皮、鮀鳥皮、小牛皮等等，而顏色方面，今年至hit嘅白色都係選擇之內，其餘鞋底、Gancio飾件都可以選擇顏色。

舒適度及方便與否，絕對係設計駕車鞋嘅大前題，於是乎，品牌就以最經典嘅moccasin鞋款，即一「笠」即行得嘅鞋款，作為今次訂造系列嘅基本款式，特別針對鞋底位置，專登加咗層橡膠防滑墊，兼採用管狀結構技術提高該位置柔韌性，令到司機踩油們嘅時候都踩得爽啲。

由訂制至到貨日期，大概11至14星期，要視乎訂購月份及所選皮料。