Dior Homme就做咗最佳示範，位於巴黎嘅總部剛剛完成翻新工程，由意大利建築公司Antonio Virga Architecte負責，睇完佢嘅內部設計，你會覺得原來打工並唔係一份苦差。

有啲小知識想講番，由19世紀中期開始，巴黎建築物設有高度限制及規定大廈外牆，要用上同一隻白色creamy色tone，所以，大家會見到Dior Homme咁modern嘅辦公室，都係置於呢類五層高嘅舊式大樓之中，但呢種強烈嘅對比感覺，令人印象更加深刻。

Dior Homme 嘅設計，向來線條感較強，鐘情簡潔乾淨利落，而呢啲喜好傾向，全部都反映係五層高、1500平方米嘅新office之中。內裡設計，就如同無印良品咁低調單一化，但感覺較冷及時代感較重，無論會議室、辨公室等等清一色用上黑白色，加埋落地玻璃製造空間感，又會適當位置加入天窗，令置身在內人士唔會覺得侷促。

第時Dior Homme能夠做出好成績，可能都係全靠呢個新office夠晒人傑天靈咋！