{ SKIP }
文:MenClub jimjimmay  圖:互聯網
POSTED ON 12 Jun 2015
日前先有某保險公司做調查,提到現時退休,想要好好哋安享晚年嘅話,估計要有千幾萬身家先得。各位打工仔聽完,除咗得啖笑之外,都真係無咩嘢可以做到,要成千幾萬先可以無憂無慮過埋下半世,真係要學嗰位被訪,對於呢件事有咩睇法嘅九十後話齋︰「好難想像!」

不過,難想像歸難想像,都要為自己設想下,諗計節省開支,例如,習慣咗每個月都進貢買時尚雜誌嘅你,就轉而follow fashion blogger,從中可以免費得到好多時尚知識,styling tips之外,仲有大把靚相俾你參詳參詳,呢度起碼每月幫你慳番幾舊水。
以下4位均來自英國方面嘅fashion blogger推介,好bookmark定啦!

Mr Boy(網址︰mrboy.co.hk

呢個年頭,乜嘢都以圖像行先,尤其係時尚世界視覺勝於一切,但Mr Boy多人follow嘅原因,除咗因為佢啲相非常唯美,兼學到最update嘅襯搭貼士外,仲伴隨海量文字,並非簡單一兩行caption,仲交代埋自己身上服飾出處,一啲都唔馬虎。


Michael 84(網址︰michael84.co.uk

時尚同生活態度其實息息相關,要令人覺得你有taste,兩者缺一不可,Michael嘅網站就係最佳例子,除咗會介紹最新潮流資訊之外,佢仲會講吓其他topic,例如運動、美容、腕錶等等全方位,講真,獨沽一味講時裝都好悶嘅。

Permanent Style(網址︰permanentstyle.co.uk

單就網站名稱,讀者應該意識到佢會專講有關timeless風格。網站主人翁Simom Crompton集中火力提及有關luxury方面嘅事物,手工裁剪嘅西裝優勝之處、介紹未被太多人留意嘅小眾恤衫品牌,想走紳士之路嘅gentleman,呢個網站必要follow。


Fashitect(網站︰fashitects.com

若果你仍然心繫時尚雜誌,小編提議可參考以雜誌形式設計嘅fashitects網站。主人翁Toni,由大學時代已經將有關時尚嘅物事上傳,到現時出身後,繼續以daily life形式將自己襯衫品味公諸同好。


早前Kanye West與太太Bianca Censori「不請自來」登上格林美大獎紅毯,後者更(疑似)於Kanye West指令下,於記者面前脫下大衣,露出僅穿透明衣服嘅全裸軀體,畫面震驚全球。但大家八卦之餘亦一定會諗:「點解要咁做 ...
style
【八卦】裸體行紅地氈後僅11日 Kanye West妻傳提出離婚
14 Feb 2025
【 情人節禮物 】每年情人節,相信各位男士都會有一個共同煩惱,就係唔知買咩禮物比另一半好,誰知道女士們唔係嫌禮物唔夠靚就係嫌禮物唔夠特別,有見及此,我哋 Menclub 就係情人節前夕,為大家精選一啲必定令另一 ...
style
【情人節禮物】情人節買乜比另一半先滿足到佢?Menclub 編輯為你精選女友們最想要的情人節禮物
12 Feb 2025